ChillInFriends Forum | Worlds Best Forum -
Hello Guest, Welcome to the Guest Panel Please Enter Your Details Below to Login In...

Pher Bhi Hai Tumako Masihaai kaa Daawaa Dekho

Go down

default Pher Bhi Hai Tumako Masihaai kaa Daawaa Dekho

Post by Arsalan on Mon Jun 25, 2012 2:18 pm

Pher Bhi Hai Tumako Masihaai kaa Daawaa Dekho
Mujh ko Dekho, Mere Marne ki Tamannaa Dekho,

Jurm-e-Nazaara Pe kon Itni Khushaamad karataa
Ab Woh Roothe Hain Lo Aur Tamaashaa Dekho,

Do Hi Din Mein Woh Baat Hai Na Woh Chaah Na Piyaar
Hum Ne Pehale Hi Yeh Tum Se Na kahaa Thaa Dekho,

Hum Na kehate The Banaawat Se Hai Saaraa Gussaa
Hans kay Lo Pher Woh Unho Ne Humen Dekhaa Dekho,

Masti-e-Husn Se Apni Bhi Nahi Tum ko Khabar
kiya Suno Araz Meri, Haal Meraa kiyaa Dekho,

Ghar Se Har Waqy Nikal Aate Ho khole Howe Baal
Shaam Dekho Na Meri Jaan Saweraa Dekho,

Khaanaa-e-jaan Mein Namudaar Hai Ek Paikar-e-Noor
Hasarato Aao RuKh-e-Yaar kaa Jalvaa Dekho,

Saamne Sab k Munaasib Nahii Hum Par Yeh Ataab
Sar Se Dhal Jaaye Na Gusse Mein Dupattaa Dekho,

Mar Mite Hum To kabhi Yaad Bhi Tum Ne Na kiyaa
Ab Muhabbat kaa Na karnaa kabhi Daavaa Dekho,

Dosto Tark-e-Muhabbat ki Naseehat Hai Fazool
Aur Na Maano To Dil-e-Zaar ko Samajhaa Dekho,

Sar kaheen Baal kaheen Haath kaheen Paaon kaheen
Us kaa Sonaa Bhi Hai kis Shaan kaa Sonaa Dekho,

Ab Woh ShoKhi Se Eyh kehate Hain Sitamagar Jo Hain Hum
Dil kisi Aur Se kuch Roz Behlaa Dekho,

Hawas-e-Deed Miti Hai Na Mitegi "Hasrat"
Dekhne k Liye Chaaho Unhen Jitanaa Dekho.
avatar
Arsalan
Site Manager
Site Manager

Posts : 25
Points : 75
Reputation : 0
Join date : 2010-09-07

Back to top Go down

Back to top


 
Permissions in this forum:
You cannot reply to topics in this forum